Сув тил киридан бошқа ҳамма нарсани тозалайди

Сувни поклик рамзи сифатида тушунамиз. Сув барча кирликларни тозалайди. Аммо ҳажми жуда кичик, хизмати жуда катта бўлган суяксиз тилга ҳар қандай сув таъсир ўтказа олмайди. Шунга кўра инсон танаси ичида масъулияти энг оғир аъзо тил экани аниқ бўлади. Бир неча йиллар ичидан сув оққан қувурларнинг ичини қалин занглар қоплаганини кўрганмиз. Бу зангларни уларнинг устидан оқиб ўтадиган сувлар ҳам ювиб кета олмайди. Инсон ҳаёти давомида тилидан чиққан ёмон сўзлар, ҳақоратларнинг занглари тилга шу қадар сингиб кетадики, энди уни ҳар қандай кучли босимга эга сув ҳам тозалай олмайди. 

Видео: Mover (tas-ix)

Видео: Youtube

{Yii::t(}

Ўтказиб юбориш 6s

Ўтказиб юбориш

Аудио версиясини тинглаш

Лекин бир сув бор, фақат ўша сув  тилга ўрнашган кирларни таг-томири билан ювиб, поклайди. Тавба деб номланган бу сув юрак ариқларидан оқиб келади. Юрак ариғига эзгулик булоғидан, эзгулик булоғига эса иймон уммонидан тошиб келади бу сув. Занглар билан қопланган бу тилни тавба сувида ивитмоқ лозим. Бу сувга истиғфор, такбир, таҳлил ишқорларини аралаштириш айни муддаодир. Покликдан сўнг уни тиловат суви билан намлаб туриш шубҳа йўқки, асл ҳолига қайтаради. 

Заҳириддин Мансур