БМТ Колумбияда венесуэлалик қочқинларни қабул қилиш марказини очди

Фото: Reuters

БМТнинг қочқинлар ишлари бўйича олий комиссари бошқармаси Колумбияда венесуэлалик қочқинларни қабул қилувчи илк марказни очди. Бу ҳақда бошқарма вакили Андрей Махечич 8 март куни маълум қилди.

Марказ 350 кишига мўлжалланган, бироқ келгусида унинг сиғимдорлигини ошириш режалаштирилган.

Марказ чегарадаги Майкао шаҳрида жойлашган бўлиб, бу ерда венесуэлалик муҳожирлар энг кўпни ташкил қилади. Улардан кўпчилиги кўчада яшашга мажбур бўлмоқда.

Бошқарма маълумотларига кўра, 2015 йилдан бери Венесуэлани 2,7 млндан кўпроқ одам тарк этган, улардан 1,1 млнга яқини Колумбияга қочган.

23 февралда Каракас Богота билан муносабатларни узган ва дипломатик ходимларни чиқартириб юборган.

Тайёрлаган Шуҳрат Раҳимов

#Венесуэла #қочқинлар #Колумбия

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди