Украинада сайлов кампаниясига энг кўп пулни ким сарфлагани маълум қилинди

Фото: Gleb Garanich / Reuters

Украина президенти Пётр Порошенко сайлов кампаниясини ўтказишга 407,8 млн гривен (16,3 млн долларга яқин) сарфлади. Бу ҳақда Украина марказий сайлов комиссияси маълум қилди.

Унинг асосий рақобатчилари «Батькившчина» партияси етакчиси Юлия Тимошенко ва шоумен Владимир Зеленский бир неча баравар камроқ пул сарфлашган. Тимошенко 163,7 млн гривен, Зеленский эса 86,4 млн гривен харажат қилган.

«Оппозицион блок» ҳаракатидан номзоди кўрсатилган Александр Вилкул 111,4 млн гривен сарф қилган бўлса, собиқ мудофаа вазири Анатолий Гриценко 101,4 млн гривен сарфлаган.

Порошенко рекламага пул сарфлаш бўйича ҳам етакчи (251 млн гривен). Юлия Тимошенко рекламага 118 млн гривен, Зеленский 64 млн гривен сарфлаган.

Украинада президент сайлови 31 март куни бўлиб ўтади.

Тайёрлаган Дилшод Аскаров

#Украина #сайлов

2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.