Евро-2020 саралаши. Португалияда навбатдаги дуранг, Англия ва Францияда яна йирик ғалабалар

2020 йилги Европа чемпионатига саралашнинг гуруҳ босқичи 2-тур учрашувлари давом этмоқда.

Биринчи турда Украина билан голсиз дуранг ўйнаган Португалия 2-турни ҳам ўз майдонида ўтказиб, бу сафар Сербияни енга олмади –1:1. Натижада иккинчи жуфтликда Люксембургни сафарда мағлуб этган Украина 4 очко билан «B» гуруҳи пешқадамига айланиб олди. Люксембургда 3, Португалияда 2, Сербия ҳисобида 1 очко бор; Литва термаси ҳозирча очко жамғара олмаган.

«А» гуруҳида эса Англия термаси навбатдаги йирик ғалабасини нишонлади. Инглизлар бу турда Қоратоғ билан сафардаги баҳсда 5:1 ҳисобида устун келишди. Гарет Саутгейт жамоаси ўтган ҳафта Чехия дарвозасига ҳам бешта тўп киритганди. Дастлаб Қоратоғ, кеча Косово билан бир хил 1:1 ҳисобида дуранг қайд этган Болгария 2 очко билан Англиянинг энг яқин таъқибчисига айланган.

Амалдаги жаҳон чемпиони Франция терма жамоаси ҳам навбатдаги уч очкони қўлга киритди. Французлар ҳам илк ўйиндаги каби (Молдова, 4:1) иккинчи турда ҳам тўртта тўп киритишди, бу гал Исландия уларнинг голларига бирорта ҳам жавоб қайтара олмади – 4:0. Шунингдек, Туркия ҳам душанба оқшомида Молдова дарвозасига тўртта гол уриб, дастлабки икки турда максимал олти очко тўплашга эришди.

Бугун саралашнинг учта гуруҳидаги ўйинлар билан 2-турга якун ясалади.

«А» гуруҳи
Косово – Болгария 1:1 (0:1, 1:0)
Голлар: 0:1 – 39 Божиков, 1:1 – 61 Зенели. 

Қоратоғ – Англия 1:5 (1:2, 0:3)
Голлар: 1:0 – 17 Вешович, 1:1 – 30 Кин, 1:2 – 38 Баркли, 1:3 – 59 Баркли, 1:4 – 71 Кейн, 1:5 – 80 Стерлинг.
Англия – Пикфорд, Уокер, Роуз, Кин, Райс, Хадсон-Одои, Баркли (Уорд-Проуз, 82), Стерлинг, Алли (Хендерсон, 64), Магуайр, Кейн (Уилсон, 83).

«B» гуруҳи
Люксембург – Украина 1:2 (1:1, 0:1)
Голлар: 1:0 – 34 Тюрпель, 1:1 – 40 Цыганков, 1:2 – 90+3, автогол Родригес.

Португалия – Сербия 1:1 (1:1, 0:0)
Голлар: 0:1 – 7, пенальти Тадич, 1:1 – 42 Данилу Перейра.
Португалия – Руй Патрисиу, Геррейру, Жоау Канселу, Пепе, Диаш, Вильям Карвалью, Данилу Перейра, Бернарду Силва, Рафа Силва (Гедеш, 84), Роналду (Пицци, 31), Диего Соуза(Андре Силва, 58).
Сербия – Дмитрович, Спайич, Рукавина, Младенович, Миленкович, Максимович, Гачинович (Радонич, 21), Ляйич (Милинкович-Савич, 87), Лазович (Живкович, 69), Тадич, Митрович.

«H» гуруҳи
Туркия – Молдова 4:0 (2:0, 2:0)
Голлар: 1:0 – 24 Калдирим, 2:0 – 26 Тосун, 3:0 – 53 Тосун, 4:0 – 70 Ойхон.

Франция – Исландия 4:0 (1:0, 3:0)
Голлар: 1:0 – 12 Умтити, 2:0 – 68 Жиру, 3:0 – 78 Мбаппе, 4:0 – 84 Гризманн.
Франция – Льорис, Павар, Умтити, Варан, Курзава (Кимпембе, 85), Канте (Лемар, 80), Погба, Матюиди, Жиру (Сиссоко, 90), Гризманн, Мбаппе.

Андорра – Албания 0:3 (0:1, 0:2)
Голлар: 0:1 – 21 Садику, 0:2 – 87 Балай, 0:3 – 90+6 Абраши.

26 март
«D» гуруҳи
Ирландия – Грузия
Швейцария – Дания

«F» гуруҳи
Мальта – Испания (00:45)
Норвегия – Швеция
Руминия – Фарер ороллари

«J» гуруҳи
Арманистон – Финляндия
Босния ва Герцеговина – Греция
Италия – Лихтенштейн (00:45)