Кин Роналдунинг йўқлигини билдирмаяпти. «Ювентус» «Наполи» билан орадаги фарқни яна оширди

Италия А Сериясининг 29-турида «Ювентус» «Эмполи»ни қабул қилди. Туриндаги «Альянц Стадиум» стадионида кечган учрашув майдон эгаларининг 1:0 ҳисобидаги ғалабаси билан якунланди.

Ўйиндаги ягона гол «Ювентус» ҳужумчиси Мойзе Кин томонидан 72-дақиқада урилди, уни бу вазиятда Марио Манжукич голли пас билан таъминлади.

Бу гол 19 ёшли форвард учун мавсумдаги учинчи голи бўлди. Эътиборли жиҳати у бу голларни уриши учун рақиб дарвозаси томон 3 бор зарба бериши кифоя қилган.

Қайд этиш керакки, жамоанинг асосий ҳужумчиси Криштиану Роналду ФИФА кунларида, Евро-2020 саралаши доирасида Португалия сафидаги ўйинда жароҳат олди ва камида 2 ҳафтага сафдан чиқди.

Бу ғалабадан кейин «Ювентус» очколари сонини 78тага етказган ва турнир жадвалида пешқадамлик қилишни давом эттирган, туринликлар энг яқин таъқибчиси «Наполи»ни 18 очкога ортда қолдирган. «Эмполи» 25 очко билан 17-ўринда жойлашган.

30-турда Массимилиано Аллегри шогирдлари «Кальяри» меҳмони бўлишиади, «Эмполи» «Наполи»ни қабул қилади. Бу ўйинлар мос равишда 2-3 апрель кунларига белгиланган.

Италия А Серияси
29-тур
Ювентус – Эмполи 1:0 (0:0, 1:0)
Гол: 1:0 – 72 Кин.
Ювентус – Шченсны, Жоау Канселу, Ругани, Кьеллини, Алекс Сандро (Спинаццола, 61), Бернардески (Касерес, 84), Бентанкур, Жан, Пьянич, Матюиди (Кин, 69), Манджукич.
Эмполи – Дронговски, Весели, Майетта (Паскуаль, 80), Делль`Орко, Ди Лоренцо, Траоре, Беннасер, Крунич (Аккуа, 80), Паяч (Учан, 79), Фариас, Капуто.