G7 давлатлари Украинадаги сайловларни баҳолади

Фото: DPA

«Катта еттилик» мамлакатлари элчилари ЕХҲТнинг Украинадаги президентлик сайловлари бўйича дастлабки хулосаларига қўшилиб, уларни рақобатли ва тинч, деб аташди. G7 баёноти твиттерда эълон қилинди.

Баёнотда айтилишича, европалик кузатувчилар Украинадаги президентлик сайловларини «умуман олганда ижобий» баҳоладилар. Шунингдек, G7 твиттерида қайд этилишича, 31 март кунги овоз бериш «иккинчи турга йўл очади».

Бундан ташқари, «Катта еттилик» вакиллари Украина президентлигига номзодларни қонунларга риоя этишга чақиришди.

Бундан олдин, Украина Марказий сайлов комиссияси овозларнинг 60 фоизини санаб чиққандан сўнг, ҳеч бир номзод сайловчиларнинг етарлича овозини тўплай олмагани тўғрисида расман маълум қилди. Мамлакатда президентлик сайловларининг иккинчи тури ўтказилади.

Украина Марказий Сайлов комиссияси овоз бериш якунларини 10 апрелга қадар эълон қилади. Иккинчи тур 21 апрель кунига белгиланган.

Тайёрлаган Отабек Матназаров

#Украина #сайлов #G7

2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.