Австралияда қум бўрони кунни зулматга айлантирди (видео) 

7 майнинг иккинчи ярмида Австралиянинг Виктория штатида жойлашган Милдьюра шаҳрига кучли қум бўрони ёпирилди. Қум ва чангдан иборат кўп метрлик девор 87 км/соат тезликда эсаётган шамол билан бирга кунни зулматга айлантириб, 20 дақиқача давом этган.  

Чанг сабабли йўлларда кўриш даражаси тушиб кетган, бу эса кўплаб ҳайдовчиларга ноқулайликлар етказган. Бироқ шаҳарда ёмон об-ҳаво шароити сабабли бирорта жиддий ҳодиса юз бергани маълум қилинмаган. 

Маҳаллий аҳолининг таъкидлашича, ушбу бўрон охирги 40 йил ичидаги энг кучлиси бўлган.

Австралиянинг жануби-шарқий қисмида кучли шамол, ёмғир, ҳавонинг кескин совиши, баъзи жойларда эса қор ёғиши кутилмоқда. Тоғли ҳудудларда қор қатлами 20 смгача етиши мумкинлиги маълум қилинган. 

A massive dust storm has hit the northwest of Victoria. @JaneBunn explains why. pic.twitter.com/4ZMkz1NZ7V

— 7NEWS Melbourne (@7NewsMelbourne) 7 мая 2019 г.