Помпео Россияни Украинанинг янги ҳукуматига қўл узатишга чақирди

Фото: РИА Новости /Екатерина Лызлова

АҚШ давлат котиби Майк Помпео Россия ташқи ишлар вазири Сергей Лавров билан учрашуви якунида Россия Украинадаги вазиятни барқарорлаштириш бўйича боши берк кўчадан чиқишда ташаббусни ўз қўлига олишига умид билдирди.

"Биз шунингдек Украинадаги вазиятни ҳам муҳокама қилдик. Биз, илгари айтилганидек, Қримнинг Россия томонидан аннексия қилинишини тан олмаймиз. Санкцияларимиз ўз кучида қолади. Биз вазиятдан чиқиш учун Россия Украинанинг янги ҳукуматига қўл узатишини истаймиз", - деди Помпео матбуот анжуманида.

14 май куни Сочида Россия ташқи ишлар вазири Сергей Лавров ва АҚШ давлат котиби Майк Помпео ўртасида музокаралар бўлиб ўтди. Майк Помпео Россия президенти Владимир Путин билан ҳам учрашиши режалаштирилган.

Тайёрлаган Дилшод Аскаров

#Россия #Украина #Майк Помпео

2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.