Ўзбекистонда Diktant.uz акцияси ўтказилади

Алишер Навоий номидаги Тошкент давлат Ўзбек тили ва адабиёти университети профессор ўқитувчилари ташаббуси билан ўзбек тилининг ижтимоий мавқеини янада мустаҳкамлаш ва ёзма саводхонликни ривожлантириш мақсадида Diktant.uz лойиҳаси амалга оширилмоқда.

Олий ва ўрта махсус таълим вазирлиги хабарига кўра, иккинчи маротаба ташкил этилаётган ушбу лойиҳа мамлакатда истиқомат қилаётган фуқароларнинг ёзма саводхонлигини оширишга қаратилган.

Акция шу йилнинг 28 май куни соат 15:00да Тошкент давлат Ўзбек тили ва адабиёти университети томонидан бутун республика бўйлаб онлайн тарзида ўтказилади. 

Тошкент шаҳрида Тошкент давлат Ўзбек тили ва адабиёти университетида ташкил этилади, ҳудудлардаги ОТМларда ҳам штаблар ташкил этилади.

Ҳозирга қадар 3035 нафар киши ундан рўйхатдан ўтган. Акцияда иштирок этиш истагини билдирганлар www.diktant.uz сайтида рўйхатдан ўтишлари мумкин.