Наманганда пропан газ баллони портлаши туфайли 3 киши куйиш жароҳати олди

Иллюстратив фото

Жорий йилнинг 5 июнь куни Наманган вилоятининг Уйчи туманида яшовчи 46 ёшли уй бекаси О.Э. уйи ертўласида жойлашган ошхонасига кириб газ плитасини ёқиш мақсадида гугурт чаққан вақтида пропан газ баллонига уланган шлангдан сизиб чиқиб хонага тўпланиб қолган газ ва ҳаво аралашмасидан чақнаш содир бўлган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада О.Э. ва уйида меҳмонда бўлган қизи, 26 ёшли Д.М. ҳамда унинг 2 яшар қизи М.Х.лар куйиш жароҳатлари олиб касалхонага ётқизилганлар.

Суриштирув ишлари олиб борилмоқда.