Москвада отиб ўлдирилган Ўзбекистон фуқароси бўйича расмий маълумот берилди

Фото: Артем Геодакян/ТАСС

Ўзбекистоннинг Россиядаги элчихонаси консуллик бўлими Ўзбекистон томонининг сўровига кўра халқаро қидирувда бўлган Ўзбекистон фуқароси Т.С.нинг 2019 йил 7 июнь куни Москва шаҳар «Коптево» ИИБдан қочишга ва полиция ходимининг табель қуролини қўлга киритишга уриниши чоғида отиб ўлдирилганлиги тўғрисида ОАВнинг тарқатган хабарларини тасдиқлади.

Россия ИИВнинг Москва шаҳри бўйича Бош бошқармаси берган маълумотларга кўра мазкур ҳолат юзасидан текширув ўтказилмоқда ва унинг якунлари юзасидан процессуал қарор қабул қилинади.

Элчихона консуллик бўлими вазиятни назоратга олган, дейилади Ташқи ишлар вазирлиги хабарида.