АҚШ Эроннинг Уммон кўрфазидаги ҳужумга алоқадорлигини кўрсатувчи видеони намойиш этди

АҚШ Қуролли кучларининг марказий қўмондонлиги Эрон ҳарбийлари Уммон бўғозидаги танкерга ўрнатилиб, портламай қолган минани ечиб олаётгани тасвирланган видеони намойиш этди.

Қўмондонлик хабарига кўра, Эрон ислом инқилоби соқчилари корпуси ҳарбийлари 13 июнь куни, ҳужумдан 11 соат ўтиб «Кокука Корэйжерс» танкеридан ишламай қолган миналарни ечиб олишган.

АҚШ вакилининг қайд этишича, танкердан эвакуация қилинган денгизчилар айни вақтда «Бейнбриж» эсминецида бўлиб туришибди.

U.S. CENTCOM has released an image of the damage to “Kokuka Courageous” on June 13, 2019. It shows the reported damage on the rear end of the tanker, and the object which is said to be a “likely limpet mine”. pic.twitter.com/cvFsx5ci6D

— Christiaan Triebert (@trbrtc) 14 июня 2019 г.

13 июнда Уммон кўрфазида «Фронт Алтаир» ва «Кокука Корэйжерс» нефть танкерларига ҳужум қилинди. АҚШ бу ҳодиса ортидан Уммон кўрфазига ракета эсминеци юбормоқда.

АҚШ Давлат котиби Майк Помпео Эрон ҳукуматини Уммон кўрфазидаги танкерларга уюштирилган ҳужумда айблади. Эрон бу айбловларни рад этди.

Шунга ўхшаш ҳолат май ойида БАА соҳиллари яқинида кузатилганди. Ўшанда 4та танкерга ҳужум уюштирилганди. АҚШ ўшанда ҳам бу ҳужум ортида Эрон турганини айтган, расмий Теҳрон буни тан олмаганди.