Суперлигада 11-тур якунлари. «Андижон» ўз уйида очко йўқотди, «Бунёдкор» учликка қайтди

16 июнь куни Суперлигада 11-тур ўйинларига якун ясалди. 

Дастлаб Бекободнинг «Металлург» «Андижон» меҳмони бўлди.

Ўйиннинг 38-дақиқасида андижонликлар аъзоси Элдор Маматказин ҳисобни очганди, 79-дақиқада меҳмонлар вакили Станислав Андреев 11 метрлик жарима зарбасидан унумли фойдаланди (1:1).

Мазкур ўйиндан сўнг «Металлург» 13 очко тўплаб, 9-ўринда бормоқда. «Андижон» эса 9 очко билан 11-ўринни эгаллаб турибди.

Турнинг марказий ўйинида Вадим Абрамов бошқарувидаги Тошкентнинг «Бунёдкор» клуби ўз майдонида Рўзиқул Бердиев бошчилигидаги Қаршининг «Насаф» жамоасига қарши майдонга тушди.

Ўйиннинг 9-дақиқасида Тошкент клуби вакили Ислом Қобилов ҳисобни очган бўлса, 37-дақиқага келиб меҳмон жамоа ҳимоячиси Дилшод Саитов ҳисобни тенглаштирди (1:1).

Бу натижадан сўнг «қалдирғочлар» очколари сонини 18тага етказиб, турнир жадвалида кучли учликка қайтган бўлса, 6-ўринда бораётган «Насаф» ҳисобида 14 очко мавжуд.

Олмалиқда ОКМК Наманганнинг «Навбаҳор» клубини қабул қилди. Ўйиннинг 7-дақиқасида ҳакам томонидан олмалиқликлар дарвозаси томон пенальти белгиланди. Нуқтага яқинлашган наманганликлар ҳужумчиси Александр ҳисобни очди. 

Ўйиннинг сўнгги дақиқаларида эса мезбонлар вакили Шохназар Норбеков ҳисобни тенглаштирди ва ОКМКни қаторасига 4-мағлубиятдан сақлаб қолди (1:1).

Эндиликда, «Навбаҳор» 15 очко билан турнир жадвалида 7-ўринда бормоқда, Миржалол Қосимов бошқарувидаги ОКМК эса 8 очко билан 12-ўринда жойлашган.

Бу турда Тошкентнинг «Пахтакор» клуби меҳмонда «Бухоро» клуби устидан йирик ҳисобдаги ғалабага эришди (5:0).

«Шерлар» сафида Драган Черан ҳет-трик қайд этди, Ҳожиакбар Алижонов ва Егорь Кримец ҳам ўз номини таблога ёздириб қўйишди.

Шу тариқа, бухороликлар кетма-кет еттинчи ўйинда ҳам ғалаба қозона олишмади, «Пахтакор» эса мағлубиятга учрамаган ягона жамоа бўлиб қолмоқда.

Мазкур ғалабадан сўнг «Пахтакор» очколари сонини 29 тага етказиб олди ва мусобақа жадвалида етакчилик қилмоқда. «Бухоро» эса 7 очко билан 13-ўринни эгаллаб турибди.

Суперлига
11-тур баҳслари
16 июнь, якшанба

«Андижон»—«Металлург» 1:1
Голлар: 1:0 — 38 Элдор Маматказин, 1:1 — 79 Станислав Андреев

«Бунёдкор»—«Насаф» 1:1
Голлар: 1:0 — 9 Ислом Қобилов, 1:1 — 37 Дилшод Саитов

ОКМК—«Навбаҳор» 1:1
Голлар: 0:1 — 7 Александр Касян, 1:1 — 90 Шохназар Норбеков
ОКМК: Суҳробжон Султонов, Миржамол Қосимов (Шаҳзодбек Нурматов, 60), Дилшод Жўраев, Санъат Шихов, Зафар Полвонов, Муроджон Тошматов (Мирғиёс Сулаймонов, 68), Акмал Шораҳмедов, Жасур Умаров, Сайдулло Раҳматов (Шохназар Норбеков, 58), Сардор Раҳмонов, Шерзод Файзиев
«Навбаҳор»: Ўткир Юсупов, Остон Ўрунов, Азимжон Аҳмедов, Иван Соловев, Александр Касян (Баҳодир Насимов, 89), Обид Жўрабоев, Мирзоҳид Ғофуров, Игорь Голбан, Абдужамол Исроилов (Шаҳзод Шайманов, 8), Жаҳонгир Меҳмонов, Аббос Ғуломов (Славко Лукич, 60)
Огоҳлантиришлар: Сардор Раҳмонов (4), Остон Ўрунов (24), Санъат Шихов (41), Ўткир Юсупов (68), Обид Жўрабоев (90).

«Бухоро»—«Пахтакор» 0:5
Голлар: 0:1 — 32 Черан, 0:2 — 49 Черан, 0:3 — 57 Алижонов, 0:4 — 73 Кримец, 0:5 — 76 Черан
«Бухоро»: Хуршид Хўжаев, Эргаш Исмоилов, Иван Фатич, Владимир Баенко, Миржалол Жумаев, Беҳруз Шодмонов, Раббим Ҳасанов (Акрам Баҳриддинов, 62), Жамолиддин Убайдуллаев, Тоҳиржон Шамсиддинов, Жаҳонгир Абдумўминов, Иван Нагаев (Акобир Тўраев, 63)
«Пахтакор»: Элдорбек Суюнов, Фарруҳ Сайфиев, Егор Кримес (с), Шерзод Аъзамов, Хожиакбар Алижонов (Акром Комилов, 60), Одилжон Ҳамробеков, Сардор Собирхўжаев, Жалолиддин Машарипов (Шохруҳ Маҳмудхожиев, 77), Драган Черан, Марат Бикмаев (Руслан Розиев, 79), Игорь Сергеев.

Турнир жадвалидаги ҳолат