Фото: Бўкада 5 ташаббус ҳақида шеър ўқиган ўқувчига Cobalt автомобили топширилди

Тошкент вилояти Бўка туманида Ўзбекистон Президенти  томонидан илгари сурилган 5та ташаббус доирасида маънавий-маърифий тадбир ўтказилди.

Бўстон маҳалласида бўлиб ўтаётган мазкур тадбирда Ўзбекистон Республикаси Президенти Администрацияси масъуллари, Ўзбекистон Фанлар Академияси академиклари, ёзувчи ва шоирлар, эл ардоғидаги санъаткорлар иштирок этди.

1 июнь куни Президент Бўка туманидаги Бўстон маҳалласига ташриф буюриб, туманда 5та ташаббус доирасида амалга оширилаётган ишлар билан танишган эди. Давлат раҳбари мазкур маҳаллага ташрифи чоғида ҳудудда жойлашган 27-умумтаълим мактабининг 2-синф ўқувчиси Фазилат Ёқубова ўзининг 5 ташаббус, деб номланган шеърини ўқиб берган эди.

Тадбир доирасида Фазилат Ёқубовага Президент совғаси – Cobalt автомобили топширилди. 19-Болалар мусиқа ва санъат мактабига ҳам Президент совғаси – Isuzu автобуси берилди.

«Бўстон маҳалласи аҳолиси, ёшларининг Ўзбекистон илм-фан, адабиёт ва санъат намоёндалари билан учрашуви давом этмоқда. Президент совғасини Тошкент вилояти ҳокими вазифасини бажарувчиси Рустам Холматов топширди», — дейилади ЎзА хабарида.