«Бинокор» хоккей клуби Қозоғистон чемпионатида иштирок этади

Тошкентнинг «Бинокор» хоккей клуби Қозоғистон чемпионатида иштирок этишга тайёргарлик кўрмоқда, деб хабар беради Shaiba.kz.

Аввалроқ, Тошкентнинг «Ҳумо» хоккей клуби Россиянинг Олий Хоккей Лигасида (ОХЛ) иштирок этиши ҳақида хабарлар тарқалган эди. (http://tribuna.uz/exLS55V4N0) «Бинокор» эса «Ҳумо»нинг фарм-клуби ҳисобланади.

«Бинокор» дастлабки йиғинни 14 июль куни бошлайди. Унгача жамоанинг Қозоғистон чемпионатида иштирок этиши билан боғлиқ барча юридик масалалар ҳал қилиниши керак.

Эслатиб ўтамиз, 2019 йил баҳорида Тошкентда «Ҳумо» муз саройи очилди ва илк маротаба мамлакат чемпионати ўтказилди. Унда Тошкентнинг 4та клуби иштирок этди. Мунтазам чемпионатда «Ҳумо» клуби ғалаба қозонди, бироқ жамоа плей-оффда муваффақиятсизликка учради. «Семурғ» клуби эса якунда Ўзбекистон чемпиони бўлди.

Маълумот ўрнида, «Бинокор» хоккей клуби 1971 йилда ташкил қилинган. 1973 – 1988 йилларда собиқ СССР чемпионатининг биринчи ва иккинчи лигаларида ўйнаган.