Сентябрда тақдим қилинадаган iPhone XI’нинг қалбакиси сотувга чиқарилди

Apple’нинг янги iPhone XI смартфонлари тақдимоти сентябрга белгиланган бўлса-да, хитойлик “уддабуронлар” ушбу смартфонни ишлаб чиқара бошлашди. 

Ушбу қалбаки смартфон бўйича iPhone XI’нинг ташқи кўриниши қандай бўлиши ҳақида муайян тушунчага эга бўлиш мумкин. 

Кўринишича, қалбаки смартфон OnLeaks инсайдери рендерлари негизида яратилган. Одатдагидек инсайдер компаниянинг янги смартфонлари - iPhone XI, iPhone XI Max ва iPhone XR (2019)’нинг сифатли рендерларини эълон қилган. Айнан шу рендерлар хитойликлар учун ўз айфонини яратишда яхшигина схема бўлиб хизмат қилган.  

Таъкидланишича, ушбу смартфонларни ҳақиқий деб қабул қилиш ҳам мумкин, бироқ унинг пастки рамкаси ва камераси қалбаки эканлигини фош қилиб қўяди.

Кўплаб маълумотлар янги iPhone XL ва XL Max квадрат камера олишини кўрсатмоқда.