Тошкентда «Нексия» ҳайдовчиси пиёдани уриб кетди, у касалхонада ҳаётдан кўз юмди

8 июль куни соат 23:58да “102” рақамига Олмазор туманида йўл-транспорт ҳодисаси рўй берганлиги тўғрисида хабар келиб тушди, деб хабар бермоқда Тошкент шаҳар ИИББ. 

Аниқланишича, тахминан соат 23:00да “Нексия” русумли автомобиль ҳайдовчиси 28 ёшли Т.С. Тансиқбоев кўчаси томон ТҲАЙ бўйлаб ҳаракатланиши давомида пиёдани уриб юборган. 

1968 йилда туғилган, Олмазор туманида яшовчи Т.Г. тан шикастлари билан шифохонага олиб борилган ва шифокорларнинг саъй-ҳаракатларига қарамасдан ҳаётдан кўз юмган.

ЙТҲ сабаби: пиёда йўлни белгиланмаган жойдан кесиб ўтаётган бўлган.