Спорт | 11:40 / 13.07.2019
4389
1 дақиқада ўқилади

Африкалик миллиардер Нигериянинг ҳар бир голи учун 50 минг доллар ваъда қилмоқда

Фото: REUTERS

Нигерия миллий жамоаси футболчилари Африка миллатлари Кубогидаги сермаҳсул ўйин учун қўшимча мукофот билан тақдирланадилар.

Африканинг энг бой кишиси Алико Данготе яримфиналда урилган ҳар бир гол учун 50 минг доллар, яна бир тадбиркор Феми Отедола 25 минг доллар ваъда қилмоқда.

Данготенинг бойлиги 10 миллиард долларга, Отедоланики 1,8 миллиард долларга баҳоланади.

Нигерия миллий жамоаси Африка миллатлари Кубоги чоракфиналида Жанубий Африкани 2:1 ҳисобида мағлуб этди. Энди яримфиналда Жазоир миллий жамоаси билан беллашади.

«Яшил бургутлар» Африка миллатлари Кубогида 1980, 1994 ва 2013 йилларда ғалаба қозонишган.

Сардор Юсупов
Тайёрлаган Сардор Юсупов
Kun.uz янгиликларини Google News'да кузатинг
+ Обуна бўлиш

Мавзуга оид