Хонадондан йирик миқдорда пулларни ўғирлаган жиноятчи ушланди

2019 йил 31 июль куни соат 02:00ларда номаълум шахс Қорақалпоғистон Республикасининг Тўрткўл туманида яшовчи 25 ёшли Г.М. исмли аёлнинг уйига очиқ қолган дарвозаси орқали кирган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, у уйдан 8 млн. сўм пулларини ўғирлаб кетган. Ҳолат юзасидан жиноят иши қўзғатилган.

Кўрилган чоралар натижасида ушбу жиноятни Тўрткўл тумани Абай кўчасида яшовчи 42 ёшли У.А. содир этганлиги аниқланиб, ушланган. 

Тергов ҳаракатлари давом этмоқда.