Тошкентда масжидлар атрофидаги йўллар 1 километр масофада транспортлар ҳаракати учун беркитилади 

Тошкентда масжидлар атрофидаги йўллар 1 километр масофа доирасида транспортлар ҳаракати учун беркитилади. Бу ҳақда пойтахт ИИББ матбуот хизмати хабарида айтилади.

“Ҳурматли ҳамшаҳарлар ва Тошкент меҳмонлари! Сизни халқимизнинг шукроналик, саховат ва меҳр-оқибат айёми – муборак Қурбон ҳайити билан табриклаймиз.

Шунингдек маълум қиламизки, Қурбон ҳайити муносабати билан 10-август куни соат 24.00 дан 11-август куни соат 8.00 гача масжидлар атрофидаги йўллар 1 километр масофа доирасида транспорт воситаларининг ҳаракати учун беркитилади”, - дейилади хабарда. 

Ҳайдовчилардан автомобилларни тегишли жойларда қолдириш ва ўзгалар учун ноқуйликлар туғдирмаслик сўралган. 

“Имкон қадар шаҳар жамоат транспорти хизматларидан фойдаланинг”, - дея якунланади маълумот.