Аукцион орқали «Ласетти» олиб бераман деб фирибгарлик қилган шахс қўлга олинди - ИИВ

2019 йил 25 август куни Андижон шаҳар ИИБга ҳужжатлар тўплами тушган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Унда 2017 йил май ойида Андижон шаҳар А.Қодирий кўчасида яшовчи 62 ёшли У.С. таниши, Улуғбек 3-тор кўчасида яшовчи 51 ёшли Х.А.га аукцион орқали “Ласетти” русумли автомашина олиб беришини айтиб, ундан 58 500 000 сўм пулини олганлиги ва берган ваъдасини бажармай пулларни ўз эҳтиёжлари учун ишлатиб юборганлиги кўрсатилган.

Ҳолат юзасидан жиноят иши қўзғатилиб, У.С. қўлга олинган. Тергов ҳаракатлари олиб борилмоқда.