Индонезиядаги намойишларда 20 киши ҳалок бўлди – ОАВ

Фото: Depositphotos

Индонезияда этник ва ирқий камситишларга қарши ўтган намойишларда камида 20 киши ҳалок бўлди. Бу ҳақда Agence France-Press ахборот агентлиги хабар берди.

Ҳукумат маълумотларига кўра эса 16 киши ҳалок бўлган. Одамлар ўлимига Жаяпур шаҳридаги ёнғин ва полиция билан тўқнашувлар сабаб бўлган.

Таъкидланишича, яна 65 киши турли оғирликдаги жароҳатлар олган. Бундан ташқари, яна 300 киши ҳуқуқ-тартибот идоралари томонидан ушланган.

Норозиликлар август охирида Папуа ва Ғарбий Папуа вилоятларида мамлакатнинг бошқа шаҳарларида папуалик талабаларга ҳужумлар содир этилгани ҳақида интернетда маълум қилингандан кейин бошланган.