Италия Туркияга қурол етказиб бериш бўйича амалдаги шартномаларни қайта кўриб чиқади

Фото: Emrah Gurel /AP

Италия Туркияга қурол етказиб бериш бўйича амалдаги шартномаларни текширувдан ўтказади. Бу ҳақда Италия ташқи ишлар вазири Луижи Ди Майо маълум қилди.

Унинг сўзларига кўра, Италия Анқарага қурол етказиб бериш бўйича мавжуд шартномаларни тўхтатишга тайёр.

Ди Майонинг таъкидлашича, Италия Туркиянинг бир томонлама ва "оқлаб бўлмас" ҳаракатларини қоралайди.

"Мен амалдаги шартномаларни текширувдан ўтказиш тўғрисида фармойиш бердим", - деди у.

Эслатиб ўтамиз, 9 октябрь куни Туркия қуролли кучлари курд қуролли тузилмаларини сиқиб чиқариш учун Сурия шимоли-шарқида "Тинчлик булоғи" операциясини бошлади.

Тайёрлаган Дилшод Аскаров

#Туркия #Италия

Туркия 9 октябрь куни Сурия шимолидаги курдларга қарши қуруқликдаги ҳарбий кампания бошлади. «Тинчлик булоғи» номли амалиётдан мақсад - Туркия чегаралари яқинида террорчилар учун йўлак қолдирмаслик ҳисобланади