Францияда Туркиянинг НАТОда аъзолигини тўхтатиш таклиф қилинди

Франция парламенти қуйи палатаси миллий йиғинининг 60 депутати Франция ҳукуматига Туркияга қарши санкциялар киритиш чақириғи билан мурожаат қилди. Сиёсатчиларнинг фикрича, Туркиянинг Суриядаги ҳарбий амалиёт туфайли Анқарага таъсир ўтказиш лозим. Санкциялар, депутатларнинг фикрича, Туркиянинг НАТОда аъзолигини тўхтатишгача бориши мумкин. 

“Биз Туркиянинг Сурия Курдистонидаги ҳарбий амалиётидан ҳамда ғарб демократияларининг халқаро ҳуқуқ меъёрларини бузувчи ҳамда шундоқ ҳам кучли азият чекаётган минтақани барқарорсизлаштирувчи босқинчиликка қарши ҳаракатсизлигидан аччиқдамиз. Биз Франция ва Европа Иттифоқини дарҳол ҳаракат қилишга ва барча тегишли чораларни кўришга чақирамиз”, дейилган депутатлар мурожаатида.

Бундан ташқари, француз парламентчилари Туркияга қарши Россияга нисбатан амал қилаётган иқтисодий санкциялар киритишни талаб қилишмоқда. Уларнинг фикрича, Туркиянинг Европа Иттифоқи таркибига кириши энди янада “кам эҳтимолли кўринади”.

9 октябрда Туркия президенти Ражаб Тоййиб Эрдўған Сурия шимолида Курдистон ишчи партияси ва ИШИДга қарши ҳарбий амалиёт бошланишини эълон қилганди ва “минтақага тинчлик ва осойишталик келтиришга” ваъда берганди. Туркиянинг бу амалиётини Франция президенти Эммануэль Макрон қоралаган ва Туркия қуролли кучларининг ушбу хатти-ҳаракатлари ИШИДга қўл келиши мумкинлигидан огоҳлантирган. Германия эса юз бераётган воқеалар ортида Туркияга қурол экспортини тўхтатган.