Қўшимча функционаллар
-
Тунги кўриниш
Британияда 39 кишининг ўлимида гумонланиб яна икки киши қўлга олинди
Уоррингтон шаҳрида яшовчи 38 ёшли эркак ва аёл қўлга олинган. Улар ноқонуний одам ташиш ва қасддан қилинмаган ҳолатда 39 кишининг ўлимида гумонланмоқда.
Эссекс полицияси юк машинаси ичидан 39 кишининг жасади топилиши иши бўйича яна икки гумонланувчини қўлга олди. Бу ҳақда Sky News телеканали хабар берди.
Телеканалнинг маълумот беришича, Уоррингтон шаҳрида яшовчи 38 ёшли эркак ва аёл қўлга олинган. Улар ноқонуний одам ташиш ва қасддан қилинмаган ҳолатда 39 кишининг ўлимида гумонланмоқда.
Ичида жасадлар борлиги маълум бўлган юк машинаси 23 октябрга ўтар кечаси Англия шарқида, Эссекс графлигидаги Грейс шаҳарчасида топилганди. Қотилликка алоқадорликда гумонланиб Шимолий Ирландия фуқароси, 25 ёшли ҳайдовчи Мо Робинсон қўлга олинган.
Полиция юк машинаси Болгарияда рўйхатга олингани, у Британиянинг Пурфлит портига Бельгиянинг Зебрюгге портидан келганлигини аниқлаган.
Машина юкхонасида бўлганларнинг 38 нафари катта ёшлилар ва бир нафари ўсмир ёшида бўлган. Болгария ТИВнинг маълум қилишича, юк машинаси Болгарияда рўйхатга олинган, лекин бу ҳодисага Болгария алоқадор эмас.
