ОАВ: Туркия армияси Сурия шимоли-шарқида ўт очишни бошлади

Хабарда айтилишича, Телл-Сахр, Атийя, Наддас, Лоуди, Дардара ва Жафа қишлоқлари ўққа тутилган. Бир нечта снаряд Рас-ал-Айн шаҳри яқинидаги Ал-Ҳамдония шаҳрига тушган. Тинч аҳоли орасида жароҳатланганлар тўғрисида маълумот келиб тушмаган.

Агентликнинг билдиришича, Ат-Тавиля ва Лейлан қишлоқларида турк қўшинлари ва Сурия қуролли мухолифати ҳамда курд отрядлари ўртасида аёвсиз тўқнашувлар бошланган.

Аввалроқ Firat агентлиги Сурия демократик кучлари отрядларининг "турк армияси тарафида жанг қилаётган 44 ёлланма аскарни йўқ қилгани" тўғрисидаги баёнотини тарқатганди.