Башар Асад Трампни АҚШнинг энг яхши президенти деб атади

Сурия президенти Башар Асад АҚШ президенти Дональд Трампни АҚШ тарихидаги энг яхши президент деб таърифлади. Чунки у ўз мақсадлари, мисол учун, нефть конлари устидан назоратни қўлга олмоқчилиги ҳақида очиқ-ойдин гапиради. Асад бу ҳақда Сурия давлат телеканалларига интервьюсида айтиб ўтди.

“У ўз сиёсати сабабли эмас, балки энг очиқ-ойдин бўлгани учун энг яхшидир. У очиқчасига “бизга нефть керак”, “биз фалончи-фалончидан халос бўлмоқчимиз”, “пул эвазига хизматлар кўрсатамиз”, деб айтади. АҚШнинг сиёсати шундайдир. Очиқ-ойдин душмандан ҳам яхшироғи борми?”,  деб айтган Асад.

Сурия президенти умуман олганда АҚШ президентлари жиноятчилар ҳисобланиши, бироқ шунга қарамай, маълум доираларнинг манфаатларини ҳимоялаб баъзида тинчлик учун Нобель мукофотлари ҳам олишларини киноя билан айтган.