Ўзбекистонлик ўқувчилар Туркиядаги халқаро олимпиадада 27та медаль ва 2та кубокни қўлга киритди

Туркиянинг Анталия шаҳрида мактаб ўқувчилари ва талабалар ўртасида XI Халқаро билимлар олимпиадаси бўлиб ўтди.

2019 йилнинг 27 октябридан 3 ноябригача ташкиллаштирилган тадбирда мактаб ўқувчилари, турли мамлакатлардан келган талабалар бирданига бир нечта фанлар бўйича мусобақалашди.

Ўзбекистонлик ўқувчилар ушбу Халқаро олимпиадада муваффақиятли иштирок этишди. Республика номидан қатнашган иштирокчилар 27та медаль ва 2та кубокни қўлга киритди, улардан 16таси - бронза, 7таси - кумуш ва 4таси олтин медалдир. Кубоклар эса математика ҳамда инглиз тили бўйича қўлга киритилди.