Пойтахтнинг айрим кўчаларида ичимлик суви ўчирилади

Тошкент шаҳрининг Мирзо Улуғбек туманидаги айрим кўчаларда ичимлик суви вақтинча бўлмайди.

Тошкент шаҳар ҳокимлигига кўра, Яшнобод тумани Махтумқули ва Оҳангарон кўчалари кесишмасидаги Д-1400 мм ичимлик сув тармоғида таъмирлаш ишлари амалга оширилаётгани муносабати билан жорий йилнинг 6 ноябрь куни соат 23:00 дан 8 ноябрь куни соат 06:00га қадар Мирзо Улуғбек туманидаги айрим кўчаларда вақтинча ичимлик суви таъминоти тўхтатилади.

 “Сувсоз” ДУК томонидан ушбу манзилларга ичимлик сувини етказиб бериш чоралари амалга оширилади.

Қуйида тармоқдан узиладиган манзиллар рўйхати келтирилган:

Паркент кўчасида;
Паркент 3-берк кўчасида;
Паркент 4-берк кўчасида;
Иссиқ сув кўчасида;
Иссиқ сув 1-тор кўчасида; 
Қарноқ кўчасида;
Мирзо Улуғбек тумани ДСЭНМ биносида.