Петербургда ўзбекистонлик 2 ёшли бола заҳарланди. У ўта оғир аҳволда қолмоқда

Жорий йилнинг 2 декабрь куни ўзбекистонлик икки ёшли бола эрталаб соат 6ларда Петербургдаги шифохоналардан бирига олиб борилди. Россия ОАВ маълумотига кўра, она болани эътиборсиз қолдирган ва у пол ювишга мўлжалланган воситадан заҳарланган.

Шифокорлар болада ўткир эпиглотит (кичик тил соҳасининг яллиғланиши) ҳамда қизилўнгачнинг кимёвий куйиши юз берганини аниқлашди. У ўта оғир аҳволда экани айтилади.

Текширув пайтида маълум бўлишича, икки ёшли боланинг оиласи Россияга Ўзбекистондан 6 ноябрь куни келган. Петербургда рўйхатдан ўтишмаган. Боланинг онасига нисбатан ота-она мажбуриятларини бажармаганлик тўғрисида маъмурий баённома тузилди. Аёл жаримага тортилиши мумкин.