Сергелидаги янги уйларнинг калити 28 декабрдан бошлаб ўз эгаларига топширилади. Фуқаролардан қатор ҳужжатлар талаб этилади

2019 йил давлат дастури асосида пойтахтимизнинг Сергели тумани 8 ва 9 қурилиш участкасида қурилган кўп қаватли уйларга бириктирилган фуқаролар диққатига:

Ҳурматли фуқаролар, жорий йилнинг 28 декабрь кунидан бошлаб 2019 йил давлат дастури асосида ушбу ҳудудларда барпо этилган кўп қаватли тураржойларнинг калитлари белгиланган тартиб бўйича ўз эгаларига босқичма-босқич топширилиши режалаштирилмоқда.  

Туман ҳокимликлари томонидан бириктирилган хонадонни ўз номига нотариал расмийлаштирган ва «Ўзшаҳар қурилиш инвест» инжиниринг компанияси қурилиш штабига «Нотариал олди-сотди шартномаси» ҳамда «Кадастр гувоҳномаси» нусхаларини тақдим этган фуқароларга ушбу санадан бошлаб хонадонлар фойдаланишга топширилади деб хабар беради «Ўзшаҳар қурилиш инвест» ИК матбуот хизмати.