Эрон ядро келишуви бўйича мажбуриятларни тўлиқ бажаришга тайёрлигини билдирди

Фото: Fotolia / Borna_Mir

Теҳрон ядро келишуви бўйича мажбуриятларни тўлиқ бажаришга қайтишга тайёр. Бу ҳақда Эрон ташқи ишлар вазирининг сиёсий масалалар бўйича ўринбосари Аббос Арағчи маълум қилди.

"Эрон ядро келишувини тўлиқ бажаришга қайтишга тайёр", - дейилади мамлакат ТИВнинг Twitter саҳифасида.

Шу билан бирга, Теҳрон бунинг учун қандай шарт қўйиши очиқланмаган.

Эрон 5 январда ядро дастури бўйича Биргаликдаги ҳаракатлар режасидан чиқишини эълон қилди.

“Эрон ядро келишуви бўйича, биринчи навбатда центрифугалар сони бўйича, чекловлардан батамом воз кечади. Шу тариқа Эрон ядро дастури бўйича ишлаб чиқариш борасида, жумладан уранни бойитиш қуввати ва бу соҳада тадқиқотлар ўтказиш ва дастурни янада ривожлантиришда ҳеч қандай чекловларга эга бўлмайди”, дейилганди Эрон ҳукумати баёнотида.

Тайёрлаган Дилшод Аскаров

#Эрон #ядро келишуви

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.