Эрон мудофаа вазирлиги АҚШга бериладиган навбатдаги жавоб қандай бўлишини маълум қилди

Фото: EPA-EFE/IRIB

Эрон мудофаа вазири Амир Ҳотамий АҚШга қарши навбатдаги чоралар америкаликларнинг ҳаракатидан келиб чиқиб қўлланилишини маълум қилди.

"Навбатдаги жавоб АҚШнинг ўзини тутишига пропорционал бўлади", - деди Ҳотамий.

Унинг сўзларига кўра, Эрон АҚШга улкан сабоқ берган.

8 январга ўтар кечаси Ироқ ғарбидаги АҚШ аскарлари жойлашган Айн ал-Асад ҳарбий-ҳаво базаси Эрон томонидан ракета ҳужумига учради. Бу ҳақда Ислом инқилоби соқчилар корпуси томонидан тарқатилган баёнотда маълум қилинди.

Ҳужум эронлик генерал Қосим Сулаймонийнинг ўлими учун ўч олиш ҳаракати деб аталди. Авиабазага камида тўққизта ракета учирилгани ҳақида хабар берган Теҳрон, ҳужум натижасида объект «тўлиқ йўқ қилингани»ни эълон қилди.

Тайёрлаган Дилшод Аскаров

#АҚШ #Эрон

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.