Хоминаий АҚШнинг Ироқдаги базаларига берилган зарбани Америкага туширилган тарсаки деб атади

Фото: leader.ir

Эрон олий руҳонийси оятуллоҳ Али Хоминаий АҚШнинг Ироқдаги базаларига берилган зарбани Америкага туширилган тарсаки деб атади ва америкаликлар минтақани тезроқ тарк этишлари зарурлигини таъкидлади. Бу ҳақда IRNA агентлиги хабар бермоқда.

"Кечаги воқеа (АҚШ базаларига берилган зарба – таҳр.) – АҚШга туширилган тарсаки. Америка минтақадаги балолар манбаи ҳисобланади. Америкалик барча ҳарбийлар минтақани тезроқ тарк этишлари шарт", - деди у.

Унинг сўзларига кўра, АҚШнинг Ироқдаги базаларига берилган зарба "Ал-Қудс" бўлинмаси қўмондони генерал Қосим Сулаймонийнинг америкаликлар томонидан ўлдирилишига нисбатан берилган тенгма-тенг жавоб эмас.

Хоминаий Вашингтоннинг Ироқдаги мақсади "америкаликларга нефть ҳудудларини назорат қилишга имкон берувчи режимни тузиш ва қўллаб-қувватлаш" бўлганини таъкидлади.

Тайёрлаган Дилшод Аскаров

#АҚШ #Эрон #Али Хоминаий

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.