Тошкент метросининг барча станцияларида нақд пулсиз тўлов учун валидаторлар ўрнатилди

Тошкент метрополитенида нақд пулсиз тўловларни амалга ошириш имконини берувчи автоматлаштирилган тизим жорий этилмоқда. Бу ҳақда «Ўзбекистон темир йўллари» хабар берди.

Таъкидланишича, янги тизимни жорий этиш босқичма-босқич амалга оширилади. Ҳозирги вақтда барча станцияларда стационар валидаторлар ўрнатилган (ҳар бир станцияга кириш жойида биттадан автоматлаштирилган назорат пункти). 

Улар вақтинча мавжуд турникетларда ўрнатилди ва яқин орада барча станцияларнинг кираверишида янги тизим учун махсус янги турдаги турникетлар ўрнатилади. Бундан ташқари, метро кассаларидаги барча операторлар вақтинчалик кўчма валидаторлар билан таъминланган.

Ягона транспорт картасининг икки тури мавжуд: 

умумий фойдаланиш транспорт харитаси; 

имтиёзли транспорт картаси (пенсионерлар, ногиронлар, талабалар, иккинчи жаҳон уруши қатнашчилари ва бошқа ҳарбий хизматчилар учун).

Ягона транспорт картасининг нархи 11 минг сўмни ташкил этади ва икки йил давомида амал қилади. Умумий фойдаланишдаги картани Aloqabank ва Ucell мобил оператори филиалларида, шунингдек, ер ости кассаларида сотиш пунктларидан харид қилиш мумкин. Имтиёзли картани туман давлат хизматлари марказларида ҳам харид қилиш мумкин. Карта ҳисобини MyUzCard, Payme, Click ва Paynet каби иловалар орқали тўлдириш имкони мавжуд.