Қўшимча функционаллар
-
Тунги кўриниш
Шавкат Мирзиёев Миллий университет талабасини вазир ўринбосарлигига тавсия қилди
Президент билан учрашувда таълим соҳасига оид инновацион таклиф киритган Миллий университетнинг магистратура талабаси вазир ўринбосари лавозимига тавсия қилинди.
Президент Шавкат Мирзиёев Ўзбекистон Миллий университетининг 2-босқич магистратура талабаси Юсуф Абсоатовни Олий ва ўрта махсус таълим вазири ўринбосарлигига тавсия қилди.
Kun.uz мухбирининг хабар беришича, Абсоатов бугун, 31 январь куни президент билан учрашувда таълим соҳасига оид таклифини илгари сурган. У давлат раҳбарига ОТМлар ва мактабларни ўзаро электрон тарзда улаб, онлайн дарслар ташкил этиш ғояси ҳақида сўзлаб берган. Шунингдек, қишлоқларда интернет сифатини яхшилашнинг муҳимлигини таъкидлаган.
Эндиликда 30 ёшли магистратура талабаси Олий ва ўрта-махсус таълим вазирининг ахборот технологиялари бўйича ўринбосари сифатида иш бошлаши мумкин. Вазирликда бундай лавозим янги таъсис этилади.
Маълумот учун, Юсуф Абсоатов кимё технологиялари соҳасида ўқимоқда.
Эслатиб ўтамиз, Ўзбекистон президенти Шавкат Мирзиёев бугун Давлат геология ва минерал ресурслар қўмитасига ташриф буюриб, олимлар, ёш тадқиқотчилар, ишлаб чиқариш вакиллари ва илмий-тадқиқот муассасалари раҳбарлари билан учрашди.
Мавзуга оид
14:00 / 29.01.2024
Президент хорижда ЙТҲ қурбонига айланаётган мигрантлар масаласига тўхталди
13:17 / 29.01.2024
Тажриба тариқасида 5 та шаҳарда сув таъминотига хусусий шериклар жалб қилинади
20:35 / 26.01.2024
Таълим соҳасида ислоҳотларни ягона концепция асосида амалга ошириш бўйича Лойиҳа офиси ташкил қилинади
18:48 / 25.01.2024