АҚШда президентлик пойгаси. Бу ҳақда нималарни билиш лозим?

3 февраль куни Айова штатида биринчи кокус - Демократик партиядан президентликка номзодни танлаш бўйича бошланғич сайловлар бўлиб ўтди. Бу орқали 2020 йилги президентлик сайлови пойгасига расман старт берилди. 2019 йил кузида демократлардан 25 сиёсатчи сайловда ўз номзоди билан иштирок этишини маълум қилганди. Айовадаги кокус очилишига келиб уларнинг 11 нафари қолганди.