Макрон Россиянинг Франциядаги сайловларга аралашиши кутилаётганини айтди

Россия томони Франциядаги сайловларга таъсир кўрсатишга уринишдан воз кечмайди, деди Франция президенти Эммануэль Макрон.

"Россия тажовузкорона ҳаракат қилмоқда. Бу яқин ойлар ва йилларда давом этаверади деб ўйлайман", - деди у Мюнхенда хавфсизлик бўйича ўтказилган конференцияда.

Макроннинг изоҳлашича, бундай фаолият "кутилмаганда бир лаҳза ичида тўхтатилмайди". Унинг сўзларига кўра, шу боис Россия "Ғарб демократиясини издан чиқаришга уринишда" давом этади.

Унинг фикрича, Россия Хитой билан мустаҳкам иттифоқчилик муносабатларини ўрната олмайди, чунки унга Европада ҳамкорлар керак. Макрон Хитой одатда бошқа давлатлар билан яқин иттифоқчилик муносабатларини ўрнатмаслигини айтди. Унинг сўзларига кўра, Россия Пекин билан ўта яқинлашишдан эҳтиёт бўлиши лозим.