Москванинг ЦСКА клуби КХЛнинг мунтазам чемпионати ғолиби бўлди
Москванинг ЦСКА клуби Континентал хоккей лигасининг мунтазам чемпионати якунларига кўра 1-ўринни эгаллади. Клуб чемпионат ғолибига топшириладиган Континент кубогини умумий ҳисобда 5-марта ва қаторасига иккинчи йил қўлга киритмоқда.
Армиячилар чемпионатнинг сўнгги ўйинида ўз майдонида “Сочи” клубини 6:0 ҳисобида мағлуб этиб, умумий ҳисобда 94 очко жамғаришди.
Чемпионатда ғолиб бўлишга сўнгги тургача Қозоннинг “Ак Барси” ҳам даъвогарлик қилиб келган, бироқ Татаристон клуби ўз майдонида Екатеринбургнинг “Автомобилист”ига 0:3 ҳисобида ютқазиб қўйди. “Ак Барс” 93 очко жамғариб 2-ўринни эгаллади.
ЦСКА лиганинг ғарбий конференциясида, “Ак Барс” шарқий конференциясида ғолиб бўлди.
Шунингдек, ғарбий конференцияда иштирок этган Санкт-Петербургнинг СКА клуби ҳам 93 очко тўплаб, етакчи учликка кирди.
КХЛнинг жорий мавсуми плей-офф ўйинлари билан давом этади. Унинг натижаларига кўра Гагарин кубоги соҳиби аниқланади.
Мавзуга оид
08:50 / 31.05.2024
Тошкентда муз саройини ўз ичига олувчи Хоккей спорт мажмуаси қурилади
18:34 / 29.05.2024
Ўзбекистон хоккей миллий жамоаси жаҳон чемпионатида иштирок этади
18:58 / 13.05.2024
«Месси билан бирга ўйнашни истардим» – Аббосбек Файзуллаев орзуси ҳақида
22:03 / 02.05.2024