Бухоро вилояти ҳокими вазифасини бажарувчи тайинланди
Карим Камолов Бухоро вилояти ҳокими вазифасини бажарувчи этиб тайинланди
Бугун, 29 февраль куни Бухоро вилояти фаолларининг йиғилиши бўлиб ўтди. Бу ҳақда вилоят ҳокимлиги матбуот хизмати хабар бермоқда.
Йиғилишда Ўзбекистон Республикаси бош вазири Абдулла Арипов сўзга чиқди. Кейинги йилларда Бухоро вилоятини ижтимоий-иқтисодий ривожлантириш бўйича амалга оширилган ишлар, бу ишда вилоят ҳокими сифатида ишлаб келган Ўктам Барноевнинг ташаббускорлиги, талабчанлиги алоҳида ўрин тутганлиги таъкидланди.
Шундан сўнг Абдулла Арипов президентнинг Ўктам Барноевни Ўзбекистон Республикаси бош вазирининг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқлаш тўғрисидаги фармонни ўқиб эшиттирди.
Президент администрацияси раҳбари Зайнилобиддин Низомиддинов президент фармонига мувофиқ ҳозирга қадар Бухоро шаҳар ҳокими вазифасида ишлаб келган Карим Камолов Бухоро вилояти ҳокими вазифасини бажарувчиси этиб тайинланганлиги ҳақида маълум қилди.
Маълумот учун, Карим Камолов Бухоро шаҳрини 1997-2011 йиллар давомида бошқарган. 2017 йилда у шаҳар ҳокими лавозимига қайтарилди.
Мавзуга оид
07:50 / 21.09.2024
Ўзбекистонда 263 дона қадимий тангани Туркияга яширинча олиб кетаётган шахс ушланди
13:54 / 10.09.2024
2025 йил сентябр ойида Бухоро биенналеси ташкил этилади
20:34 / 31.08.2024
“Аввало ўзбек тилида ёзилсин” — Бухорода реклама баннерлари ва лавҳалар нега олиб ташланяпти?
07:32 / 20.07.2024