Исроилнинг Берлиндаги элчисида коронавирус аниқланди

Исроилнинг Берлиндаги элчиси Жереми Иссахаров ва элчихонадаги исроиллик бир дипломат коронавируснинг янги турига чалинган.

Фото: Anadolu Ajansi

Исроил Ташқи ишлар вазирлиги баёнотида айтилишича, мамлакатнинг Берлиндаги элчиси Иссахаров ва элчихонадаги исроиллик бир дипломатнинг Германия Федерал Ассамблеясининг исми ошкор қилинмаган депутати билан учрашувидан кейин Covid-19 тести ўтказилган ва натижа ижобий чиққан.

Баёнотда Иссахаров ва дипломатнинг соғлиғи яхшилиги ва уларнинг ҳар иккиси ўз уйидалиги айтилган.

Ушбу воқеадан сўнг, Исроилнинг Берлиндаги элчихонаси ёпилган, элчихонадаги барча дипломатлар ўз уйларида карантинга олинган.

Тайёрлаган Азиз Қаршиев

#Исроил #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.