Помпео АҚШнинг Эронга инсонпарварлик ёрдам кўрсатишга тайёрлигини маълум қилди

АҚШ давлат котиби Майк Помпео журналистларга коронавирус эпидемияси ортида Эронга инсонпарварлик ёрдами кўрсатиш санкциялар объекти ҳисобланмаслигини, АҚШнинг ўзи бундай ёрдам кўрсатишга тайёрлигини маълум қилди.

Фото: Reuters

“Бутун дунё шуни билсинки, Эронга инсонпарварлик ёрдами кўрсатиш мумкин. У санкциялар остида эмас. Эрон учун дори-дармонга, инсонпарварлик ёрдамига санкциялар йўқ”, деб айтган Помпео.

Давлат котибининг айтишича, Вашингтон бундай ёрдам кўрсатилиши ва у билан боғлиқ тўлов транзакцияларини амалга ошириш учун барча ишни қилмоқда. Унинг таъкидлашича, АҚШнинг ўзи ҳам Эронга шундай ёрдам таклиф қилган.

“Уларда даҳшатли муаммо ва биз бу тиббий инсонпарварлик ёрдами Эрон халқига етиб бориши тарафдоримиз”, деб қўшимча қилган Помпео.

Эронда айни вақтда коронавирусга чалинганлар сони 19,6 мингдан ошиб кетди, улардан 1,4 минг нафари вафот этган, 6,7 мингга яқини соғайиб кетган.

Тайёрлаган Шуҳрат Раҳимов

#АҚШ #Эрон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.