65 йил бирга умргузаронлик қилган жуфтлик коронавирус сабабли бир кунда ҳаётдан кўз юмди

АҚШнинг Чикаго шаҳрида яшаб, 65 йил бирга умргузаронлик қилган жуфтлик коронавирус сабабли бир кунда ҳаётдан кўз юмди.

Фото: @nashsteviej

Бу ҳақда қарияларнинг набираси Стивен Нэш хабар қилган.

Узоқ йиллар бирга бўлган эр-хотин коронавирусга чалинганлик сабабли бир неча соатлик фарқ билан ҳаётдан кўз юмишган.

Стивен Нэшнинг таъкидлашича, унинг бобоси ва бувиси АҚШда коронавирусдан ўлим ҳолатлари кескин кўпайиб кетган кунда вафот этишган.

“Мен бобом ва бувимни коронавирус сабабли 24 соат ичида йўқотдим. Ўз яқинларингизни маҳкамроқ қучинг”, деб ёзган Нэш Twitter’да. У бобоси ва бувиси суратларини эълон қилиб, улар ортидан 6 фарзанд ва 18 набиралари қолганини ёзган.

Тайёрлаган Шуҳрат Раҳимов

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.