Ўзбекистон Венгрияга 500 минг дона ҳимоя ниқоби жўнатди

Ўзбекистон Венгрияга 500 минг дона ҳимоя ниқоби жўнатди, деб маълум қилди Венгрия ташқи ишлар вазири Петер Сийярто.

"Ўзбекистон Венгрияга 500 минг дона ҳимоя ниқоби жўнатмоқда, ниқоблар ортилган юк самолёти сешанба куни кечқурун етиб келади", - деди Сийярто.

Сийяртонинг сўзларига кўра, ниқоблар Боку шаҳрига етказилади, ниқобларни олиб келиш учун Будапештдан Бокуга самолёт учиб кетган.

Қайд этилишича, Ўзбекистон 28 март куни Венгрияга 150 минг дона тиббий ниқоб жўнатган. Ниқоблар мамлакатдаги тиббиёт муассасаларига тарқатилган.

Эслатиб ўтамиз, бунга қадар президент Шавкат Мирзиёев томонидан Беларусь, Хитой, Эрон, Қирғизистон, Тожикистон ва Афғонистонга ҳам инсонпарварлик ёрдами юборилган эди.