Қўшимча функционаллар
-
Тунги кўриниш
Наманганда 1200 ўринли карантин ҳудуди ва 150 ўринли шифохона қурилиши бошланди
Наманган вилоятининг Поп туманида махсус карантин ҳудуди ва шифохона қурилиши бошланди.
Фото: Поп тумани ҳокимлиги матбуот хизмати
«Коронавирус пандемияси таъсиридан одамларни асраш ва тезроқ бу касалликни бартараф этиш учун мамлакатимизда барча куч ва воситалар сафарбар этилмоқда. Ушбу мақсадда Поп туманининг Ғурумсарой қишлоғида бошланган 1200 кишилик карантин зонаси ҳамда 150 кишилик махсус шифохона қурилиши жадал давом этмоқда», дейилади вилоят ҳокимлиги матбуот хизмати хабарида.
Умумий майдони 16,3 гектарни ташкил қиладиган ушбу комплексда шифокорларга алоҳида хона, жарроҳлик, жонлантириш бўлимлари, муолажа хоналари, тиббиёт бўлимларидан ташқари карантин ҳудудига келтирилганлардан шу ернинг ўзида таҳлил олиш учун лаборатория, дорихона, ошхона, кир ювиш бўлими, утилизация бўйича алоҳида жой ҳам қурилмоқда.
Вентиляция, тиббий кислород етказиб бериш, коммуникация тизимлари замонавий тарзда жиҳозланади.
Қурилиш майдонига электр энергияси, газ, сув тармоқлари тортиш бўйича ҳам ишлар юқори суръатда ташкил этилган.
1200 кишилик карантин зонаси махсус жиҳозланган контейнерлардан ташкил топади. 150 кишилик шифохона эса енгил конструкциялар асосида барпо этилади.
Коронавирус Ўзбекистонда
Мавзуга оид
22:51 / 27.05.2025
Наманган вилояти ҳокимига янги ўринбосар тайинланди
01:49 / 27.05.2025
Наманганда дарахтга урилган Nexia-3 ёниб кетди. Ҳайдовчи ҳалок бўлди
23:54 / 26.05.2025
Наманганда «Сўнгги қўнғироқ» вақтида қизларнинг сочи ёниб кетди
17:17 / 22.05.2025