Францияда коронавирусга чалинган бола ўзи билан мулоқотда бўлган 172 кишининг ҳеч бирига касаллик юқтирмагани маълум бўлди

Франция шарқида яшовчи коронавирусга чалинган тўққиз ёшли бола 172 киши билан мулоқот қилган бўлса-да, уларнинг ҳеч бирига касаллик юқтирмагани маълум бўлди. Бу ҳақда The Guardian нашри хабар бермоқда.

У билан мулоқотда бўлган барча эҳтиёт чораси сифатида карантинга жойлаштирилганди.

Ушбу ҳолатни ўрганган Франция соғлиқни сақлаш вазирлиги мутахассислари болалар асосий вирус ташувчи бўлмасликлари мумкин деган тахминни билдирмоқда.

Болада коронавирус аниқлангунига қадар у Юқори Савойя департаментидаги учта чанғи мактабида бўлган.

Нашрнинг қайд этишича, бола касалликни британиялик Стив Уолш билан мулоқот қилганлардан юқтириб олган.

Уолш касалликка январда, Сингапурдаги конференцияда қатнашган чоғида чалинган. Кейинроқ у оиласи билан Юқори Савойядаги Контамин-Монжуа чанғи курортига келган.

Ушбу ҳолатни ўрганган Франция соғлиқни сақлаш вазирлиги мутахассислари болалар асосий вирус ташувчи бўлмасликлари мумкин деган тахминни билдирмоқда, деб ёзади The Guardian.