Туркияда коронавирусга чалинганлар сони 90 мингдан ошди

Туркияда бир сутка давомида коронавирусга чалиниш билан боғлиқ 4,6 мингдан ортиқ ҳолат қайд этилди ва коронавирус юқтирганлар сони 90 мингдан ошди. Бу ҳақда мамлакат соғлиқни сақлаш вазири Фахритдин Кожа маълум қилди.

"Бугун 4674та янги ҳолат қайд этилди, касалликка чалинганлар сони – 90 980. Бугун 123 бемор вафот этди, жами вафот этганлар сони - 2140. 13 430 нафар бемор соғайди", - деб ёзди у Twitter саҳифасида.

Аввалроқ Туркия президенти Ражаб Тоййиб Эрдўған мамлакатнинг 31та вилоятида комендантлик соати жорий этилишини эълон қилганди.

"23 апрель соат 00.00дан 31та вилоятда тўрт кунга комендантлик соати жорий этилади", - деди Эрдўған миллатга мурожаатида.