Андижонлик тадбиркор «Саховат ва кўмак» ҳаракатига қўшилиб 300 та оилани ҳомийликка олди

Андижонда “Саховат ва кўмак” умумхалқ ҳаракати бўйича эхтиёжманд ва ижтимоий ҳимояга муҳтож оилаларга зарур маҳсулотларни етказиб бериш ишлари бошланди.

Маҳалла ва оилани қўллаб қувватлаш вилоят бошқармаси ҳузуридаги Ҳомийлик хайрияларини мувофиқлаштириш маркази омборига ёш тадбиркор Абдулло Мадаминов томонидан озиқ-овқат маҳсулотлари келтирилди.

Синовли кунларда тадбиркор 300та оилани қўллаб-қувватлашни зиммасига олди. Тадбиркор томонидан ҳомийлик асосида қилинган хайриялар эҳтиёжманд оилаларга тарқатилмоқда.

Вилоятда «Саховат ва кўмак» умумхалқ ҳаракатини 100 нафардан ортиқ ёш тадбиркорлар қўллаб-қувватламоқда, улар 10 тадан 500 тагача бўлган оилаларни ўз қарамоғига олиш ишларини аллақачон бошлаб юбордилар.