Қўшимча функционаллар
-
Тунги кўриниш
Туркманистон мамлакатда коронавирус йўқлигини расман маълум қилди
Туркманистон соғлиқни сақлаш вазири Нурмухаммет Аманнепесовнинг маълум қилишича, мамлакатда коронавирусни аниқлаш учун учта чегараолди карантин пункти очилган.
Рашид Мередов / Фото: centrasia.info
Туркманистон бош вазири ўринбосари ва ташқи ишлар вазири Рашид Мередов мамлакатда коронавирусга чалиниш ҳолатлари йўқлиги маълум қилди. Бу ҳақда Arzuw NEWS агентлиги хабар берди.
"Биз БМТ аъзоси сифатида қабул қилган мажбуриятларимиз учун жавобгармиз. Шунинг учун, биз ҳеч нарсани яширмаймиз, биз очиқмиз", - деди у.
Мередов шунингдек, дипломатларни Лабоп вилоятидаги карантин марказига ташриф буюришга таклиф қилди.
Туркманистон соғлиқни сақлаш вазири Нурмухаммет Аманнепесовнинг маълум қилишича, мамлакатда коронавирусни аниқлаш учун учта чегараолди карантин пункти очилган.
"Туркманбошидаги 360 ўринли карантин нуқтасида Боку порти орқали кириб келган 67 фуқаро бор. Лабоп вилоятида мамлакатга кириб келган 40га яқин фуқаро жойлаштирилган. Қорабўғоз пунктида мамлакатга кириб келган 44 нафар фуқаро карантинда", - деди у.
Вазирнинг қўшимча қилишича, мамлакатга кириб келган барча шахслар ЖССТ тавсияларига мувофиқ икки ҳафталик карантинга олинмоқда.
Коронавирус
Мавзуга оид
14:25 / 08.05.2025
Ўзбекистон ва Туркманистон товар айирбошлаш ҳажмини 2 млрд долларга етказишга келишиб олди
17:26 / 29.04.2025
Туркманистон президенти Очилбой Раматов билан учрашди
18:14 / 24.04.2025
Шавкат Мирзиёев ва Гурбангули Бердимуҳамедов биргаликда дарахт экиб, «Замонлар садоси» кўргазмаси билан танишди
14:31 / 24.04.2025