Қўшимча функционаллар
-
Тунги кўриниш
Қозоғистонда маҳаллий ишлаб чиқарилган Chevrolet машиналари сотилиши бошланди
“UzAuto Motors” компанияси Қозоғистондаги ҳамкори “СарыаркаАвтоПром” билан биргаликда Қозоғистонда маҳаллий ишлаб чиқарилган Chevrolet автомобиллари сотилиши бошланганини эълон қилди.
Фото: autostat.ru
Автомобиллар “Keles Distribution” савдо тармоғи орқали сотилмоқда.
Компанияларнинг қўшма баёнотида айтилишича, биринчи босқичда Қозоғистондаги дилерлик тармоғига Chevrolet Malibu седани, Cobalt ва Nexia моделлари, Damas минивэни, Labo юк машинаси ва Trailblazer кроссовери етказилган. Яқин орада Қозоғистон бозорига Chevrolet Tracker кроссовери чиқарилади.
Таъкидланишича, дастлабки буюртмаларга кўра Қозоғистонда Damas ва Labo моделлари Chevrolet’нинг бошқа моделларига нисбатан етакчилик қилмоқда. Бу ушбу моделларнинг пандемия шароитида товарларни етказиш соҳасида тежамкор ва самарали автомобилларга эҳтиёж сезаётган кичик ва ўрта бизнес корхоналари орасида юқори талабга эгалиги билан боғланган.
Chevrolet брендининг кўп моделлари имтиёзли автокредитлаш давлат дастури иштирокчиси ҳисобланади. Бу эса қозоғистонликларга Chevrolet автомобилларини қулай шартлар билан харид қилиш имконини беради.
Chevrolet автомобиллари “СарыаркаАвтоПром”нинг Қўстанайдаги заводида 28 мартдан ишлаб чиқарила бошланган.
Мавзуга оид
16:31
Қозоғистон ва Ўзбекистон ўртасида биринчи темирйўл саёҳат дастури бошланади
15:25
Қозоғистонда Каспий денгизи соҳилидан мингдан ортиқ ўлик тюленлар топилди
21:23 / 13.11.2024
Дунёдаги зарарли чиқиндиларнинг бор-йўғи 1 фоизи Марказий Осиё мамлакатларига тўғри келади – Тўқаев
15:30 / 13.11.2024